O Campus Auga convoca cinco modalidades de premios, creándose para as catro primeiras (A, B, C e D sinaladas a continuación) tres premios en metálico, un por cada unha das seguintes liñas de traballo:
- Alimentación Funcional
- Agricultura e Medio Ambiente
- Xestión da Auga Termal
Cada traballo ou mérito soamente poderá presentarse ou vencellarse a unha das tres liñas indicadas anteriormente. Para a derradeira modalidade (letra E indicada máis abaixo), establécese un único premio en metálico .
O prazo de presentación de solicitudes abrangue dende as 00:00 horas do 1 de setembro de 2025 ás 23:59 horas do 12 de setembro de 2025.
Modalidades
A. Premio ao TFG/TFM máis destacado
Cada premio consistirá nun diploma acreditativo para a persoa autora do TFG/TFM e para a/s persoa/s titora/s, así como dunha dotación en metálico de 930 € para o/a autor/a (suxeita ás retencións do IRPF que estableza a normativa vixente).
B. Premio de investigación a teses de doutoramento
Cada premio consistirá nun diploma acreditativo para a persoa autora da tese de doutoramento e para a/s persoa/s directora/s da mesma, así como nunha dotación en metálico de 1.150 € para o/a autor/a (suxeita ás retencións do IRPF que estableza a normativa vixente), que será abonada pola Universidade de Vigo.
C. Premio de investigación á mellor contribución científica
Cada premio consistirá nun diploma acreditativo para a persoa autora, así como para a/s coautora/s, de ser o caso, e nunha dotación en metálico de 730 € (suxeita ás retencións do IRPF que estableza a normativa vixente) para a persoa autora, que será abonada pola Universidade de Vigo.
D. Premio ao mellor resultado de transferencia
Cada premio consistirá nun diploma acreditativo para a persoa autora e a/s coautora/s, de ser o caso, e nunha dotación en metálico de 880 € (suxeita ás retencións do IRPF que estableza a normativa vixente) para a persoa autora, que será abonada pola Universidade de Vigo.
E. Premio a accións ou actividades de divulgación científica
O premio consistirá nun diploma acreditativo para a persoa autora e a/s coautora/s, de ser o caso, e unha dotación en metálico de 930 € (suxeita ás retencións do IRPF que estableza a normativa vixente) para a persoa autora.
Máis información e documentación
| Taboleiro electrónico: | https://sede.uvigo.gal/public/bulletin/bulletin-details.xhtml?idtaskdata=45172729 |
| Procedemento sede electrónica: | https://sede.uvigo.gal/public/catalog-detail/39272467 |
| PDF da convocatoria | Ir ao PDF |
| Formulario | Descargar formulario |
| Toda a documentación na Secretaría da UVigo | https://secretaria.uvigo.gal/uv/web/convocatoria/public/show/1651 |